|
|
||
|
Reivindican a súa condición de Patrimonio Artístico da Humanidade Ciclismo e cultura unen a Ferrol e Lugo en favor do Castelo de San Felipe
Redacción • Ferrol Máis de douscentos quilómetros en bicicleta
servirán para reivindicar a condición de Patrimonio da Humanidade para o
castelo ferrolán de San Felipe. Será na marcha cicloturista que mañá unirá
Lugo con este punto na que, ademais, perseguirase a unión de dúas culturas. A
proba, exenta de calquera carácter competitivo, iniciarase na cidade das
murallas ás 11.30 horas, xusto despois de que as autoridades lucenses
dispensen unha recepción ós participantes, e chegará a Ferrol en torno ás
16.00 horas. Alá, na praza de Armas, tamén se efectuarán unha serie de actos
para obsequiar ós participantes. A rota de regreso a Lugo se efectuará
posteriormente, estando prevista a chegada definitiva o redor das 21.00 horas. O Club Ciclista Muralla Lucense e a concejalía de Deportes desta cidade pariron esta iniciativa fai algún tempo como agradecemento ó apoio que o Concello de Ferrol prestou á candidatura lucense para que as súas murallas romanas fosen consideradas Patrimonio da Humanidade. Ambas entidades, en cooperación co Club Ciclista Ferrol e o Padroado Municipal de Deportes departamental, organizaron a celebración desta proba sen carácter competitivo e vinte cicloturistas encargaranse mañá de levala a cabo. Serán oito do Club Ciclista Ferrol, outros oito do Club Ciclista Muralla e catro dunha delegación portuguesa procedente de Viana do Castelo, que acoden a esta cita polo hermanamento que existe entre esta localidade e Lugo. |
||
|
|
||
|
Apoio desde Lugo á declaración de Patrimonio da Humanidade A cultura sobre dúas rodas
Redacción • Ferrol Rompendo
o mito, unha vez máis, da rivalidade que enfronta ás cidades de Lugo e Ferrol
e facendo gala das boas relacións institucionais entre ambas, de novo o
deporte contribuíu na xornada de onte ó seu achegamento. Nesta ocasión produciuse en forma de marcha
cicloturista entre as dúas localidades que compartiron ó longo de máis de
200 quilómetros de percorrido, máis dunha vintena de compoñentes dos clubs
Muralla Lucense e o Ciclista Ferrol, así como representantes de Viana do
Castelo, cidade hermanada con Lugo. O obxectivo destes deportistas era reivindicar e apoiar de forma visible a proposta de que o conxunto histórico-artístico que forman os castelos da ría departamental sexan declarados Patrimonio da Humanidade, da mesma forma que no seu momento se fixo á recíproca coa construcción romana da veciña capital. En agradecemento ó apoio prestado no seu momento polo consistorio departamental a esta petición -actualmente xa conseguida-, os deportistas lucenses se ofreceron para esta demostración altruísta que en torno ás catro da tarde de onte culminaba na praza de Armas. O Concello departamental, atendendo a este desinteresado acto, ofreceu ós ciclistas dos tres clubs participantes, unha recepción oficial e unha serie de obsequios que foron entregados polo delegado de Deportes Fernando Blanco. |
