Os pasados días 8, 9, 10 e 11 de Maio, celebrouse na Feira de Mostras do Noroeste,(FIMO), a primeira edición de Galideporte, onde o noso club estivo presente, dicir alomenos que os compoñentes do Club Ciclista Ferrol saímos contentos desta primeira experiencia, e creemos que todos os que estivemos presentes nesta feira quitamos algo positivo de todo isto, e que, por suposto, esperamos que se sigan celebrando, que segundo a intención dos organizadores é que se celebre cada dous anos.

Dicir que houbo moitos fallos, pero como en todas as primeiras actividades que se organizan sempre os hai, quero dicir con isto, que aos organizadores lles vin con moi boas maneiras de corrixir eses fallos en próximas edicións, e dende logo, queremos animalos a que dentro de dous anos nos vexamos na segunda edición, e si se pode moito mellor.

Como crítica: dicir a falta de moitas agrupacións, asociacións, clubs, etc., que non estiveron presentes en Galideporte, coa miña modesta opinión quero dicirlles a todos os que non estiveron, que creo que neste tipo de actividades é onde deberíamos de estar todos, pois é unha forma de dar a coñecer as nosas actividades, e tamén aproveitar para que, a todos os que nos gusta o deporte pasar uns días xuntos xa que normalmente non podemos estalo.

Aos comercios e asinas comerciais, (que só houbo dous ou tres), pedirlles que, neste tipo de actividades fagan un esforzo por estar presentes, pois ao fin e ao cabo, forman parte do mundo do deporte e por suposto é onde nos os practicantes do deporte nos deixamos os diñeiros.

Juan Martínez