faviñas

HÁBITOS SAUDABLES E DEPORTIVOS

Por EDUARDO BLANCO

Presidente da AEDpT

Para andar non hai idade

É un bo antídoto contra a obesidade e a hipertensión

O libro escrito desde a cárcere que narraba a sorprendente historia do Lute, baixo o titulo "Camiña ou rebenta", podese traspasar ó noso plano, e dicir, os que non se moven, acabarán mal. Para os seres humanos a andar é a actividade física máis natural por excelencia, pois desde os tempos máis remotos esta actividade era primordial para o desprazamento: as aldeas antigas movíanse duns lugares a outros, en procura de asentamentos, ademais de cazar ou para facer a guerra. Para se botar a camiñar non se necesitaba máis que vontade e tempo. É certo que nos días que corren o tempo resulta un ben prezado polo ritmo de vida ó que nos sometemos unha grande maioría de cidadáns, pero mesmo na vida cotiá podemos buscar o momento que nos permita andar.

A andar é unha actividade de fácil control, na que podemos aumentar ou diminuír a súa intensidade a través do ritmo que impomos, convertendoa de moderada a esíxente. Tampouco non podemos esquecer que a distancia a percorrer e o trazado do camiño (custas ou baixadas) constitúen variables a ter en conta para modular o esforzo que pretendemos realizar.

TRATASE DUNHA ACTIVIDADE DE FÁCIL CONTROL, NA QUE PODEMOS AUMENTAR OU DIMINUÍR A SÚA INTENSIDADE A TRAVÉS DO RITMO QUE IMPOMOS

Os efectos psicofisiolóxicos que depara esta actividade son incomparables e constitúe un bo antídoto contra a hipertensión, a obesidade e as enfermidades cardiovasculares cada vez máis presentes na nosa sociedade sedentaria certo que andar pode ir desde o simple paseo a unha camiñada, rematando no que se coñece actualmente como sendeirismo, o que dedicaremos un capitulo aparte. Interesanos neste caso destacar o feito de camiñar aproveitando os espacios urbanos e semiurbanos (paseos marítimos, parque, praias...) ó atoparse nas proximidades da nosa vivenda e non requirir de desprazamento en vehículo.

A Carreira é unha actividade natural de fácil execución

Favorece o sistema respiratorio e non necesita aprendizaxe técnico

Da mesma maneira que ensalxamos os beneficios de camiñar como unha das actividades máis naturais por excelencia, non podemos esquecernos da carreira a pé, outra actividade que tampouco non necesita aprendizaxe técnico previo e que favorece a saúde ó producir adaptacións, principalmente, no sistema cardiovascular, no sistema respiratorio e no sistema muscular (sobre todo, nos grupos do aparello locomotor). Outros xeitos que fan da carreira unha actividade recomendable para unha grande maioría da poboación son, que nos obrigan a un gasto económico elevado e que non require de instalacións deportivas para a súa práctica.

Ase como fai uns anos había que prestar especial atención ó terreo por onde se corría, xa que algúns podían deteriorar as articulacións dos xeonllos, actualmente as tendas especializadas ofrécennos un amplo subministrado de zapatillas deseñadas para evitar os prexuízos que xeran os continuos micro traumatismos no apoio do pé no chan durante a acción da carreira.

Aínda que é recomendable o quentamento previo á carreira, non é imprescindible, xa que podemos realizalo co mesmo exercicio, durante un trote suave que iremos incrementando paulatinamente estable. Se o facemos así, deberemos reservar outros momentos para exercicios de estiramento e abdominais.

O VERÁN É A MELLOR ESTACIÓN PARA A SÚA PRÁCTICA, XA QUE PÓDENSE APROVEITAR OS AREAIS.

Para un programa de iniciación, durante os tres primeiros meses, é recomendable realizar carreira continua, sen modificar o ritmo, pero aumentando progresivamente os percorridos para gañar en resistencia. Posteriormente, o mellor é introducir sesións de adestramento baseadas nunha carreira descontinua ou con trocos de ritmo o que fan os suecos "fartlek", sen deixar de facer tamén carreira continua. O verán é a mellor estación, aproveitando a oportunidade que ofrecen as praias para correr descalzos pola area ou pola auga, que reporta beneficios a maiores.

GAÑA TEMPO PARA O EXERCICIO FÍSICO

FAI DEPORTE

Móvete con nós

SEGUE ESTES CONSELLOS

Un equipo mínimo

Para pasear non se necesita nada máis que un calzado cómodo, servíndonos nos paseos que nos propoñemos, de simples zapatillas deportivas en distancias prudenciais e terreos lisos. A roupa debe ser suficientemente frouxa que evite rozaduras e que comprima algunhas zonas corporais. Por último, se fai sol, unha gorra para que nos cubra a cabeza. E se hai treboada, o correspondente chuvasqueiro que nos quite do apuro; mellor, mesmo, un paraugas.

Coida os teus pés

Posiblemente debido a que os pés están situados en un dos extremos do noso corpo, que é a que contacta co chan, hai tendencia a desprezalos , non prestándolles a atención necesaria. Para conservar o seu vigor muscular podemos camiñar descalzos pola area da praia, o que supón un excelente exercicio para os pés. Hai que dedicarlles máis atención, cortando as uñas, evitando as calosidades e dándolles un masaxe.

Comeza lentamente

Se queremos utilizar o feito de andar como actividade física deberemos planificar e ter en conta certos xeitos. Fundamentalmente, a distancia que imos realizar, para o que deberemos establecer unha progresión (ir de menos a máis) que combinaremos co ritmo ou intensidade, de tal maneira que se aumentamos a distancia, diminuiremos o ritmo e viceversa. É desexable que controlemos os latexos, como referencia do esforzo que realizamos.

Paseos en compaña

Para que os paseos non se convertan en algo monótono, é recomendable elixir distintos camiños nas proximidades da nosa vivenda. O urbanismo moderno creou zonas de paseo, parques, prazas e mesmo algunhas aldeas e cidades contan con praias e paseos marítimos ou outros espacios semiurbanos. Ademais de variar o percorrido, é mellor camiñar con amigos ou familiares que facelo en solitario. hhhhhhhhhhhhhhhh

Unha zancada corta

En persoas sedentarias ou con sobrepeso, será necesario previamente o fortalecemento dos músculos, tendóns e ligamentos do aparello locomotor a través dos exercicios. Ó principio non é recomendable unha zancada moi ampla, sendo máis apropiado a curta, para diminuír o impacto do pé contra o chan, pois de contrario pódense producir molestias ou lesións que nos impedirían continuar coa actividade.

Andar e correr alternando

Non importa, especialmente se nunca se realizou esta actividade, intercalar durante a carreira continua camiñadas que suavizarán o esforzo dos primeiros adestramentos e facilitarán unha adaptación. Mesmo, para unha mellor ordenación do adestramento pódese planificar un minuto correndo, outro andando, ata que en sesións posteriores se aumente o tempo de carreira, tendendo á desaparición das camiñadas intercaladas.

Dous días a lo menos

Para que a carreira produza os beneficios sinalados, o organismo ten que recibir un número de estímulos mínimos. Se corremos o domingo, como fai algunha persoa por falta de tempo, a influencia positiva é inapreciable, ás veces mesmo é prexudicial. O recomendable é que se practique tres días á semana, pero en todo caso, nunca menos de dous, para asegurar os trocos fisiolóxicos que favorecerán á nosa saúde.

Aumentar a distancia

Ás poucas semanas de iniciarnos na carreira, sentiremos unha maior comodidade no desenvolvemento da mesma, o que indica que se están a producir as adaptacións orgánicas a dito esforzo, o que obriga a elevar o nivel de esforzo que realizamos. Hai que evitar a tentación de aumentar o ritmo e a velocidade, polo que aconsello para as primeiras semanas de adestramento, o incremento progresivo da distancia a percorrer.